Hak-khiam hiaN,

Goa bo ka Liong-kng hiaN e mia sia--chhut-lai, in-ui goa m-chai i kam u hi-bang lang chai, chong--si che eng-kai m-si siaN-mih toa pi-bit. Li the-khi e hit phiN "Green Marketing" chiaN-chiaN-si goa in-siong siong chhim e 1 phiN.

Koan-he heng-siau POJ, goa iau-si kam-kak lan eng-kai iong thoan-thong e POJ pi "Tai-oan-ji"/"Roma ji"/"Latin ji"/"Bi-kok ji" long khah ho. In-ui heng-siau e tui-siong bi-pit kan-na si Tai-oan. Kho-pi kong, lan siuN beh be7 1-khoan sin-heng e chhia, lan na ka ho-mia cho "Bi-kok Chhia", "Eng-kok Chhia", "Jit-pun Chhia", "Tek-kok Chhia", lan khiong-kiaN i-keng han-che lan e chhi-tiuN.

I-siong si 1-e iu3-chiat, bong kong. Bo-gi un-tong e ke-si-thau-a chin che, lan kan-na su-iau khi cho. Lan e-tang khi khioh pat-lang e keng-giam, phiah-siam in hoan e chho-gou, khip-siu in seng-kong e sou-chai. Bok-cheng e "Chhut-pan un-tong" u su-iau, m-koh chiaN-sit bo-kau (Eng-gi kong "necessary but not sufficient").

--Hong-giau

`
Hak-khiam ti 2005/4/9 EP 09:28 sia-kong: `

Hong-giau hiaN kong liau goa chiah siuN-tioh chin chan tai-chi. Cha-ki u chit phiN kio cho "Lek-sek heng-siau" Green Marketing. Lo Bun-kiat sian-siN si Liong-kng hiaN e pit-mia, i bat thak-koe khi-giap koan-li.

Chiu gi-gian heng-siau lai-kong, theh-seng pun-thou gi-gian e chiaN-bin
"heng-siong" eng-kai chin tiong-iau. Tong-jian m-si kan-ta kho kong-ko,
ma ai u chin-sit e chok-ui thang-ho cho lan e "san-phin", c.c. ti
bang-lou-teng e Tai-gi-bun bang-cham, bun-hak chok-phin......
  


Goa choe-kin khoaN "A-hong-i e gou-tou khong-kan" kam-kak chit pun chheh
chin e-tang theh-seng Tai-gi e hian-tai-hoa, chin che hian-tai Tai-oan
sia-hoe teh iong e gi-su i long u ka sia-cho Tai-gi, tek-piat si
goa-lai-gi i khah chio chio Hoa-gi e kong-hoat, tit-chiap tui goan-bun
iong Tai-gi im-ek, c.c. "koala" tioh sia-cho "khou-a2-lah", bo chioh
Hoa-gi e "bo-boe-him".

Tai-oan e chin che mia-chheng long su-iau heng-siau. U-tang-si-a mia ho hou ho-se, e-tang seng chiaN-che kai-soeh. Goa bat thiaN lang kong iong goa-kok-ji (chi Lo-ma-ji) sia Tai-gi sit-chai chin ki-koai. Goa siuN lan na teh ka Lo-ma-ji e si-chun, mai-kong beh ka Lo-ma-ji, kai kong "Tai-oan-ji", an-ne hoan-se tioh khah be ti hia hong gou-hoe cho "goa-kok-ji", tong-jian u su-iau kai-siau Tai-oan bun-ji e lek-su.

Hak-khiam 

* * * * * * * * * * * * * * * * *
* Li chu-chheh e e-mail khau-cho si:  "H. Tan-Tenn" .
* Beh kia phoe ho' tak-ke tioh iong chit-e khau-cho chiah kia-e-kau.
* * * * * * * * * * * * * * * * *