"TADA Kei" hou taigu-bang e phoe:

Taioan Kau-hoe Kong-po kap TaiguBang e hiaN-che,
peng-an !

Goa tu ui Bi-kok (Bi-tang, N.Y. e hu-kun) tng-lai.
Pun-lai beh hong-bun Chhong-bi Ki-kim-hoe, kiat-ko,
lu-heng pai-kah moa-moa, ma bo lian-lok -tioh,
an-ne tioh tng-lai a. Khi Long Island e Su-beng Kau-
hoe e si, thiaN-tioh hia e lang o-lo Tan Phek-siu bok-
su kong chiok u Taioan i-sek.

Goa ku-ni Taioan Loma-ji Hiap-hoe seng-lip hit-kang
chheng-kau TeN Ji-giok bok-su, Taioan Kau-hoe Kong-po
kai iong Tiong-bun e goan-in. TeN bok-su kong, 1968-69
ni e si, tui kong-po-sia kia chhut-khi e Kau-hoe Kong-
po, tiaN-tiaN phang-kiN. Kho-leng si iu-kiok lai-bin
khi hong thau-thau boh-siu. Ui-tioh beh thoan-to, put-
tek-i kai iong Tiong-bun.

Goa khoaN-tioh Kau-hoe Kong-po e HP
( <http://www.pctpress.com.tw/about-tcp.htm> )
kong:

'1969 ni Kok-bin cheng-hu beng(æ)-leng kim-chi
Taioan Kau-hoe Kong-po khan-heng "Loma-ji".'

Goa beh hiong tak-ke chheng-kau 2-e bun-toe.

Q.1 "Cheng-hu beng-leng" u siam-mih ki-lok, iah bo ?

TiuN Ju-hong kau-siu e "Peh-oe-ji Ki-pun-lun" (Bun-hok
chhut-pan. 2001 ni) si an-ne sia:

"1970.1 Kiong-pek Taioan Kau-hoe Kong-po choan-bin su-
iong Tiong-bun."

Q.2 Tong-si e Kau-hoe Kong-po si choan-bin Peh-oe-ji ?
iah-si, ma u Peh-oe-ji, ma u Tiong-bun ? Peh-oe-ji
khah choe ? iah-si Tiong-bun choe ? Peh-oe-ji chiam
kui-siaN ?

Ti chia Jit-pun e gian-kiu ki-koan long bo siu-chong
"Taioan Kau-hoe Kong-po", chin kho-sioh. Sou-i goa bo
hoat-tou ka-ki khi khoaN.

In-ui goa au-2-le-pai (pai-4) ti pou-sip-pan kai-siau
Tai-oan e gu-gian e cheng-heng. Sou-i beh chai-iaN chit-e
siau-sit. To-sia.

TADA Kei  keng.

(Goa e email chit-2-kang koai-koai, na u hoe-phoe, ma-hoan
li ka 1-hun kia hou  an-ne khah an-choan.)