Title: Help Kok-ui hiaN-che, u chit8-e bun-te ti chia ka tak-ke chheng-kau. cha-pou gin-a seN liau ho-khoaN, lan long kong i "ian-tau". Chit-e su5, chu-lai tai-pou-hun lang na-chhiuN long siuN kong si "ian5-tau5"; it-poaN-lang na iong HJ ka7 sia, to sia cho "ç·£æ". M-koh, goa it-tit kam-kak u bun-te, siuN kong lan ma e7 kong "chit-e cha-pou gin-a seN liau chin ian1", thah m-si "ian1-tau5"--leh? Ki-sit, Choa Poe-hoe kah Tan Siu e Su-tian to sia cho "ian1-tau5". Cheng-kui-kang thak Babuza i-su e "Goa-e A-mah", ma chu-i-tioh i sia cho "ian1-tau5" , soah koh siuN-tioh chit-e bun-te, kui-khi sa-lai ka tak-ke chheng-kau. Tai-jit Toa-su-tian ma u siu "ian1-tau5", m-koh he si "鵪æ", "phah ian1-chhun1" e i-su. (Barclay: ian1-tau5, fighting quails.) Tai-jit Toa-su-tian e "ian5-tau5" si keng2 leng-goa nng-e HJ, "é骰", u nng-e i-su: 1) jip8 ian5 (é) e tau5-a2 (骰å), poah-kiau e si5 iong lai piah..lang..e; 2) bi2-lam5-chu2. (Douglas: ian5-tau5 (é骰), dice loaded with lead for cheating. ian5-tau5 (ç·£ï¼), a dandy; a coxcomb; a very nice-looking young fellow.) Douglas e ki3-im it-hiong chiaN hou lang o-lo, tui3 hong-gian-chha ma chiaN chu3-sim. Kam e7 piN3 m-tioh--khi--leh? M-koh ma bo tek-khak. Goa khoaN, iau si7 ai khoaN Hai-khau-khiuN ah si Tai-pak-khiuN an-choaN kong. Na7-chun2 Choan-chiu-khiuN u ka7 "bi2-lam5-chu2" e "ian-tau" pian3-tiau7 cho "ian(3)-tau5", eng-kai to si "ian5-tau5" chiah tioh. Na7-chun2 Choan-chiu-khiuN kah Chiang-chiu-khiuN kang-khoan, long pian3-tiau7 cho "ian(7)-tau5", kho-leng to si "ian1-tau5". M-chai bo-kang khiuN-khau e hiaN-che an-choaN kong chit-e oe-gi? Iau-koh u, Hak-fa u kang-khoan e oe-gi bouh? ChhiaN chi-kau. Lou-lat. Lip-bun