Bang-lou e hiaN-che, tai-ke ho,

Goa kim-am khi Taioan Iam-giap-kong-si chham-ka PiN-iu-hoe ki-pan kap A-piN-a chiah-png e boan-chhan-hoe.

Hoe-tiong u hoat-mng e si-kang. Goa mng e bun-te si:

"Beh siau-bet chit e bin-chok, tioh seng siau-bet i e gi-gian. Bo Taioan-oe, chiong-lai chiu bo Taioanlang lah. ChhiaN a-piN chong-thong ti kong-khai tiuN-hap, tioh chin-liong su-iong bu-gi, hou choankok e jin-bin e-tang hau-hoat li e mou-iuN. Tong-si tioh chhiok-seng Kau-iok-po jin-chin chip-heng bu-gi kau-iok, ma tioh jin-chin kho-chhi, hou hak-seng jin-chin oh bu-gi."

I e hoe-tap soah goan-lai si iong Taigi kai iong Pak-kiaN-oe ka goa in kong: (iong Pak-kiaN-oe kong, i-su si an-ni: )"Goa chin ai khe-ka e peng-iu. Goa ma u pai-thok ti chia e Tailam e boksu lai ka7 goa ka3 khe-oe. Goa bo hoat-to lng-peng long ko3. Lan ti kong-khai e tiuN-hap long tioh lang lang long thiaN u e oe kong."

Goa si hou-iok a-piN-a chong-thong tioh bin-tui Taigi choat-cheng e ui-ki. In-ui e chit tai e gin-na long ikeng bo-hoat-to iong Taigi lah. Lan e Taigi e choat-cheng-khi3 lah! Bo siuN kau i iong hiah ni kiong e gi-khi lai hoe-tap goa e bun-te, koh si thiau-kang iong Tiongkok-oe lai ka goa hoe-tap, lian-soah u chin-tng e si-kan thiau-kang kai iong Tiong-kok-oe, lai in-khi thiaN-chiong e chu-i.

Tailam te-khi chhut-sek-chia choat-toa-pou-hun lang long si kong taigi e lang. I na si beh ai soan-phio, kiam be-tang khoa-liam lan chiah e lang long si i si-tiong e chi-chhi-chia ne? Cheng-ti-ka kam u iaN chin-chiaN hiah gao5 ne?

Kim-am na bo chiong chit hang khng ti sim-thau e tai-chi kong hou liat-ui hiaN-che chai-iaN, goa chiu m khi khun lah...

Tan Pheksiu, Tailam.

* * * * * * * * * * * * * * * * *
* Li chu-chheh e e-mail khau-cho si: 
* Beh kia phoe ho' tak-ke tioh iong chit-e khau-cho chiah kia-e-kau.
* * * * * * * * * * * * * * * * *