Choe-kin u lang teh kong eng-kai iong “Tai-gi” chit e su lai chheng-hou “Goan-chu-bin-gi”, Tai-gi ai kio cho “Ban-lam-gi”. Goa chit pai khi chham-ka chok-kun hoe-gi, chit e kong-hoat thong-chio thiaN 3 pai. Ki-tiong u 1 pai si chiam-tui goa kah Siau Peng-ti lau-su, chit-pai si chiam-tui Sakai sang. Te 1 pai si chit ui tui Pin-tong lai e Kheh-lang, khi-phut-phut theh goa kah Peng-ti hiaN e thoan-toaN kong goan long bo kong e oe, i chi-khong goan ka Ho-lo-oe kio-cho Tai-gi si teh pai-thiat Kheh-ka-lang, bo ka Kheh-ka-lang tong-cho Tai-oan-lang, bo ka Kheh-ka-oe tong-cho “Tai-gi”. Boe-a hioh-khun e si, Sakai sang khi chhoe in “li-lun”. Ke-siok khui-hoe liau-au koh u Lo Tiau-kim k.s. koh kong “GCBG=Tai-gi”, “Tai-gi=Ban-lam-gi”, jian-au oaN chit e lang khi-lai phoe Sakai sang. OaN goa kong e si-chun, goa tioh kong chok-kun e gi-gian mia-chheng ai chun-tiong lang an-choaN kio ka-ki, be-tang iu goa-lang lai koat-teng, goa chu-se-han tioh kong goa teh kong e gi-gian kio “Tai-gi”, “Ho-lo-oe” chit e su 10 ni cheng chiah thiaN lang teh kong. “Ban-lam-gi” si chit e bu-jiok lang e kong-hoat, mng lai te chit chia thang i-goa, koh bo chu-i tioh Tai-gi e chu7-chu2-seng3, goa bo jin-tong. Hu-tai koh kong Tiong-kiong u bin-leng in e po-choa be-tang sia “Tai-gi” chit e su, it-teng ai kong “Ban-lam-gi”. Leng-goa koh u lang chhoan choa-tiau-a lai mng kong A-piN-a choe-kin teh kong “bun-hoa bo-su-iau khi-tiong-kok-hoa, lin chia e chu-tiuN khi-tinog-kok-hoa e i-kian m-chai an-choaN?”. Goa ka kong Tiong-kiong ka Tai-oan teh sak bo-gi kau-iok kong cho si beh “khi-tiong-kok-hoa”, an-ne lan kam tioih m-bian sak bo-gi kau-iok. Koh Tiong-kok-hoa e kau-iok, tek-piat si iong Tiong-kok-oe e kau-iok chiam lan kho-teng e 99% (che si chit e GCB lau-su ti hian-tiuN kong e) , an-ne kam bo su-iau khi-tiong-kok-hoa, tong-jian m-si kong beh long ka khi-tu, chi-si beh hou kok-chiong bun-hoa seng-chun e khong-kan e-tang khah toa leh. Hak-khiam