Tada sàng kap hu-jîn, pêng-an
Kin-á-ji̍t, Lōa Éng-siông k.s. khòaⁿ-tio̍h lí tī Kong-lūn-pò ê tāi-chok kā góa kóng lí sī Tâi-ôan-lâng ê kiáⁿ-sài, koh sī Tân Ka-sek k.s. ê kiáⁿ-sài. Chin hoaⁿ-hí. Góa tī Tâi-pak Siang-liân kàu-hōe bat siōng kòe Tân k.s. ê Sêng-jîn-chú-ji̍t-o̍h, mā bat kap i phah soaⁿ-kiû(golf). Chit sî goa sīⁿ-khí hit-tong-sî cheng-siàu-liân ê kùi hu-jîn, chin iu-siù ê Siang-liân chheng-liân. Góa m̄-chai i iáu ē-kì-tit góa bô. Chhiáⁿ hō͘ góa lí ê tē-chí thang hō͘ góa lâi kià pò-chóa hō͘ lí chò kì-liām kap chí-kàu. Mā chhiáⁿ lí kè-sio̍k tâu-kó hō͘ Hân-chî-hn̂g khah hong-sēng. Cha-àm ka-têng chū-hōe tiong, thiaⁿ Lí Khîn-hōaⁿ k.s. kap Lîm Sek-iông k.s. kóng lí chit-má Hakka-fa mā Siah-siah-kiò. Góa siūⁿ lí ê tiūⁿ-ḿ sī Hakka-ngin tùi lí pang-chān chin tōa. Góa ê Ma-ma mā sī Hakka-ngin, góa sió-khóa ē-hiáu, tān siūⁿ boeh jīn-chin o̍h ê sî, Góan Ma-ma tī téng-nî bông-Chú-un-tiàu. Góa mā sī iáu chhōe ki-hōe lâi kā i o̍h hō͘ hó-sè. Khó-lêng tán góa ê hó pêng-iú Rev. Paul Mclean ê phok-sū ôan-sêng í-āu chiah hó hó lâi o̍h. Chhiáⁿ lí nā ū ki-hōe to-to chí-kàu. Chhiáⁿ tāi góa hiong kùi hu-jîn chhéng-an tì-ì. Ló͘-la̍t Lîm Chùn-io̍k

每天都 Yahoo!奇摩
海的顏色、風的氣息、愛你的溫度，盡在信紙底圖
信紙底圖