----- Original Message ----- From: fatpa Sent: Sunday, June 09, 2002 9:57 PM Subject: [TGB] kau-lo kap TLPA
Kok-ui7 hiaN-che2 peng5-an Chin hou2-un7 , goa2 u7 ki-hoe7 thangchham-ka Tai5-pak su-iN7 pan7 e5 Tai5-gi2 su-chu hun3-lian7 pan. KhoaN3 khi2-lai5 kan2-na7 si7 oh8 TLPA e5 lang5 pi2 kau3-lo5 khah che. M7-ku2 chai7 pan siong7 in e5 lang5 khak-sit8 ke chin oah8-tang7.
Goa 6/8, 6/9 khi Suhoan Taihak siongkho, Thongiong e lang ma chiax jinchin than kihoe leh sak. Ng Goanheng ma u khi hia pun i e tuchok. Taigisia ma u leh lianlok take 6/21 epq beh khi Kauiokpq "kqthong".TNT ma u siuchip take e lianlok chuliau, … Mkoh kana bo khoaxkix POJ e soanthoan. Lan2 e5 lang5 khah pih-su5. Goa2 si7 ti7 Chiong-hoa3 khi3 chham-ka sou2-i2 goa2 ka in thui-chian3 Chiong-hoa3 Tai5-bun5 lian5-gi5-hoe7. Tu2 thau5 ma7 si7 bo5 sim2-mih8 lang5beh chhiam-mia5 chham-ka, kau3 siong7-boe2 ka7 in kong2 lan2 e5 hoe7 u7 kui2 e5 lang5 si7 chit kai2 kho2-chhi3 e5 kau2-chhi3 koan,koh lai5 chiu7 si7 lan2hoe7 chit kai2 kho2-chhi3 chong2-kiong7 u7 kui2 e5 lang5 kho2 tiau5 ma7 iau2-boe7 sng3 chhut-lai5. Ji7-chhiaN kiong5-tiau7 lan2 si7 bian2-hui3 e5, chit8 si5 sui7 u7 20 goa7 lang5 po3-mia5, u7 Chiong-hoa3,Tai5-tiong,Un5-lim5,Lam5-tau5 kok sou2-chai7 e5 lang5, m7-ku kau3-si5 beh thong-ti in lai5 chu7-hoe7 e5si5 m7-chai u7 kui2 e5 lang5 kau3 ui7. Peng5-si5 chai-iaN2 u7 TLPA m7-ku2 m7-bat khi3 ka chu2-i2 i e5 loe7-iong5, chit kai2 siong7-kho3 e5 kau3-chai5 chu2-iau3si7 iong7 TLPA pian-sia2 ,sou2-i2 e7 tang3 ka sio2-khoa2 liau2-kai2. Goa2 m7-si7 gi2-gian5 hak8-ka tong-jian5 bo5 hoat-tou7 liau2-kai2 in e5 li2-lun7 sou2-i2 tui3 in siong-koan e5 bun7-te5 bo5 hoat-tou7 kap in sio-cheN3, tan-si7 u7 chit8-ji7 si7 kam2-kak khah ki5-koa3 , " ik " kap kau3-lo5 e5 " ek " kiong5 cheN3 kong2 thak8 " ek " , Chhiax chhamkho "http://www.edu.tw/mandr/bbs/1-4-5.htm", chiau TLPA e konghoat "ik" msi thakcho "ek", li etang chhiax hiae TLPA e pengiu tngkhi ka TLPA e chuliau koh thak 1 pian khoaxmai. Sitche siong, hit hun chuliau masi u bunte, li etang chhamkho "POJ kipunlun", laite e hunsek chiax chhengchho. Kisit, TLPA luisu e bunte iau chiax che. Chiu "ek" lai kong, mchai lin hia e hoatim si simmih? Goa chiax hantit thiax lang thak [ek]. Gun kati si [ek], [iek] lam leh liam, [iek] khah iaxbin. Chit pai siongkho, thiax Tang, Chiauhui kausiu e hoatim, i tosi hoat [ek]. Tongchhq POJ e ka siacho "ek" choattui si u toli--e. Bong chhamkho. Kiatgak goa2 be7 liau2-kai2"i" na7 e7 thak choe3 " e " e5 li2-lun7 , in kiong5 cheN3 kong2 pat8-chiong2 gi2-gian5 tioh8 si7 an2-ne thak8 ,kin-a2-jit8 u7 si5-kan theh Eng-bun5 ji7-tian2 lai5 khoaN3, na7 si7 " I " cho3 ji7-thau5 long2 si7 thak8 " i " ah si7 " ai " bo5 " e " ,cho3 si7 ti7 ji7 e5 tiong-ng ma7 si7 chha-put to an2-ne .Kok-ui7 hiaN-che2 m7-chai u7 sim2-mih8 khoaN3-hoat. Su2-iong7 Kau3-lo5 u7 chit8-tiam2 kam2-kak si7 thong-iong7 seng3 chin-ho2 , bat kap Oat8-lam5 sin-niu5 ka3 Tai5-lo5,kau3-iok8 theng5-to7 khah koan5 e5 in long2 khoaN3 u7 , chi2-si7 siaN-tiau7 bo5 goa7 chun2 nia7-nia7 , in u7 theh CD hou7 goa2 khoaN3 in e5 Oat8-lam5 bun5 goa2 thak8 hou7 in thiaN in long2 chin hoan-hi2, siu-jian5 goa2 m7-chai Oat8-lam5 oe5 e5 i3-su3 m7-ku2 thiaN goa2 kong2 in e5 oe7 kam2-kak chin chhin-chhiat. Kau3 chia tioh8 ho2 , chin to-sia7 li2 ka goa2 chit phiN khoaN3 oan5. Gou5 Peh8-hong5 keng3-siong7
---