taigu "Henry H. Tan-Tenn"

taigu "Henry H. Tan-Tenn" 
Mng-koan e siat-ke ti Taioan kap ki-tha kok-ka long si 1-chan cheng-ti-tek e
koe-theng. PeN-peN kang-1-e gi-te, chu-iu-pai po-choa e bin-i tiau-cha e
kiat-ko kap po-siu-phai ah-si cho-phai e kiat-ko cham-jian bo-kang. Ti
Taioan, "thong-tok" e tiau-cha ma kang-khoan. Hak-chia chu-jian u ka-ti e
ke-tat-koan, hoan-eng chhut seng-tiong e poe-keng, seng-piat, chong-kau,
chok-kun, kok-ka jin-tong, thau-lou...che-che khoan in-sou.

TG bun-ji thak-sia e tiau-cha tong-jian m-si kan-na TGB-kai e lang e-tang
khi cho. Hoan-tui TGB e lang oan-na u chai-tiau, koh e-tang tui-goa
soan-pou i e gian-kiu "khah khek-koan", "in-ui i bo chhap TGB." Tong-jian
lah, hian-chhu-si TGB e bi-lai hoat-tian chin oh kong, gian-kiu TGB e
hak-chia khah che m-si si-koe oa-toa-peng e hak-chia. Chong--si, TGB ju
seng-kong, ju che lang jin-tong, hou-sin ma e toe leh che7. Che si hak-sut
seng-thai e bun-te.

Gian-kiu si ui siaN bok-tek? Ui siaN-lang, ui to-1-e sia-hoe kai-chan teh
cho? Gian-kiu e kiat-ko e an-choaN hoan-tng-lai eng-hiong sia-hoe e
thai-tou, bi-lai e gian-kiu? Iu-ki thai-tou, tong-ki e gian-kiu it-tan hou
mui-the/kok-ka chu-i--tioh, tek-piat e khi tu-tioh "feedback" e bun-te,
gian-kiu pun-sin piN-cho thai-tou heng-seng e 1-e in-sou. Mng-koan e
siat-ke tiaN-tiaN chhin-chhiuN 1-bin kiaN3, chhio--tioh e si hak-chia ah-si
ki-koan e bin-chhiuN.

Ka-su 1-hun mng-koan e kiat-ko chhin-chhiuN lan Bang kong--e, "tui TGB
put-li", goa siuN, che e-tang u chin che7 chiong kai-thok:

1. Sia-hoe (chit-ma, bi-lai) bo chhi-chhi LMJ;
2. Sia-hoe tui LMJ e thai-tou hoan-eng chhut kok-ka ke-khi e i-sek
heng-thai;
3. Sia-hoe e thai-tou hoan-eng chhut ku-tng i-lai Han bun-hoa e i-sek
heng-thai;
4. Mng-koan e siat-ke ah-si chip-heng "u bun-te";
5. Teng-teng.

Hak-chia koh-jin e ke-tat-koan chiaN tiong-iau.

Leng-goa, tiau-cha e kiat-ko ma u kho-leng chhoe-chhut khah e-tang chiap-siu
LMJ ah-si TGB thak-sia e sia-hoe kai-chan. Tui TGB tin-iaN lai kong,
kho-leng u lou-iong ma bo-tek-khak. "Pun-thou tin-iaN" tui TG thak-sia e
thai-tou thang kong si "to-goan-hoa"; it-poaN-lang siat-su chit-e tin-iaN
i-goa e chi-chhi theng-tou koh khah ke, chong--si bo chham-kho e sou-ji. Na
iong ti hak-hau e kau-sek, ma e tu-tioh "chhio7 ka-ti" e hian-siong, in-ui
hoat mng-koan e lang oan-na si ka7 hak-seng phah hun-sou e lang. Lau-su u
kho-leng hoaN-hi hak-seng tui LMJ e chi-chhi theng-tou "cheng-ka 30%",
ki-sit si hak-seng kam-kak lau-su kah-i LMJ, in ma ai toe leh piau-si.

Kan-tan kong, ki-pun e bun-te iu-goan si: LMJ un-tong-chia beh an-choaN
eng-hu/tiau-cheng chu-liu sia-hoe e thak-sia thai-tou? Beh an-choaN chhu-li
hoan-tui thoan-the? (Pau-koat hoan-LMJ hak-chia cho e mng-koan? Cha-ban e
tu-tioh.)

--Honggiau