Hakkhiam hiaN, li ho.

1. Ki goa sou chai, Hakka (HK) kah Holo (HL) ti siaN'un hongbin khah oa.

a. Ti Hanji thak'im chit hongbin, esai kong HL, HK, Kngtang-oe, Hokchiu-oe, Hankok-oe, simchi Jit-gi long khah sio-oa, tiantopeng si Hoa-gi (HG) chha chin hng. Che si Tionghoa tekok ti Tng-tiau Song-tiau sitai e pa-koan sou lau--lohlai e hauko. Soa--lohkhi in tekok soah noa--khi ah.

b. Na beh kile, siong hiaNbak--e le toh si u tangsi'a goa na beh ka Hankok-lang ahsi Jitpun-lang kong khah chengsek e gisu, nachun Eng-gi kong-be-thong, goa etang titchiap kong HL. (Kngtang-oe khah biankiong chit sut'a. Ekha e le, phaiNse goa tui HK bo kai seksai, mkoh HK kah Kngtang-oe kechin oa.)

HL hakseng = Hankok-oe hakseng = Kngtang hoksaang
HL toklip = Hankok-oe toklip = Kngtang tuklap
HL binchok-chugi = Jit-gi mintsoku chugi (??) (hoaiNtit in long thiaN-u) = Kngtang mantsuk tsue-ngi
HL taihak = Jit-gi daigaku = Kngtang taaihok

2. Ti gisu hongbin, ai khoaN lan si teh kong to chit khoan e HK. (HL kah HG chha chin hng si bo m-tioh.)
a. Biaulek/Kohiong/Pintong/Muichiu hit khoan e HK si Han-hoa siongkai chhim e HK, ma bokahgoa Holo-hoa
b. Sintek/Tiochiu hit khoan e HK ma kechin Han-hoa, mkoh ma kechin Holo-hoa (thaukoe Tiochiu e HL).
c. Chiangchiu hit peng e HK ma chin Han-hoa, mkoh putchi'a Holo-hoa… chit khoan e HK kautaN ti Taioan giongbeh bo lang teh kong--ah, khahcha teh kong chit khoan--e long piancho Holo-Kheh khah che.
d. Ti TngsoaN laisoaN u khah "koucha-bi" e HK, bo Holo-hoa, mkoh kah HL kangkhoan si bo kai Han-hoa. (Hit khoan HK, goa siuN Taioan e Kheh-lang choattui thiaN kah chin huikhi, simchi he si-m-si HK longma ai gilun.)

3. Bunhoat hongbin goa khah bo liaukai, mkoh goa kamkah lan na si teh chiamtui Taioan e HK, HL, kah HG, lan ikeng u piang-chhut chit khoan "Taioan bunhoat," bolun to chit'e gigian lan e bunhoat long kangkhoan--e. Ah chit'e bunhoat e chuthe si khahcha e HL bunhoat thaulam chitma ti Achiu chin sikiaN e chit'e HG e bunhoat.
a. Engkai ma esai kong, ti bunhoat hongbin, khahcha e HL kah "chiaNkang" e HG chha khah hng, ah khahcha e HK ti in tiongkan. (In'ui HK kekhah Han-hoa.)

Goa e liaukai chin iuhan. Na u lang khah liaukai HK, hoanse in etang kong khah siongse khah chengkhak.

aThinn siong

--
美���u自古旧不向华厦朝贡。
Let's keep southeastern Asia strong and free.