taigu

taigu 
Tan Bok-su Pheksiu HiaN peng-an.

KhoaN-tioh li chit-phiN, hou goa chin kam-kek! Chin tosia! Inui goa i-cheng
bat thak-tioh Ong Iok-tek sian-siN 40-ni cheng sou hoat-beng e Lomaji, ti-kau
tui Ong sian-siN e Lomaji bo chin ho-kam. TaN tui li chit-phiN "kian-cheng"
goa tioh tu-khi goa chit e m-ho e kam-kak, hou goa koh chit-paiN hoe-hok tui
Ong sian-siN e chun-keng kap kam-sia i chit-si-lang ui-tioh Tai-oan sou-cho e
kong-hian!

Goa ia to-sia li hoat-piau tui Chan Chi-long e khoaN-hoat. Goa sit-chai chin
bo-hoat-tou koh jim-siu Taioan lang e mia toh hou lang kai-lai kai-khi,
chhin-chhiuN kong goa e mia, beng-beng si Koeh Tek-liat, tan-si ti Jit-pun
si-tai si "Kaku Toku-letsu"; ti ChiuN Kai-sek e si-tai si "Kuo Te-lieh"; ti
Bi-kok si "Andrew Kuo"; chiau Chan Chi-long e kui-teng, goa na koh tng-khi
Tai-oan e si, beh ka goa kai cho "Guo Deleh???"!

Tu-tu chhin-chhiuN lan e un-su Ng Chiong-hui Bok-su sou-kong: "Goa chhut-si
mia-kio Ng Chiong-hui; Goa ti 1937 khi Eng-kok si theh Jip-pun hou-chio, mia
kio Sho-ki Ko; Ti 1947 tng-khi Tai-oan e si, theh Tiong-hoa Bin-kok e
hou-chio, mia-kio Hwang Chang-hui; Ti 1970 i-au theh Eng-kok hou-chio,
mia-kio Sho-ki Coe! Goa ti sim-mih si chiah e-tang theh Tai-oan hou-chio,
mia-kio Ng Chiong-hui ah!" TaN Ng Bok-su i-keng bo ti se-kan lah!

Goan Chu lin-bin lan Tai-oan lang!

Koeh Tek-liat siong