Uibun hiaN: Kiong-hi li theh-tioh phok-su hak-ui. Hak-khiam

----- Original Message ----- From: De-Han Sent: Thursday, April 17, 2003 2:28 PM Subject: [TGB] Hanji ham Oatlam Lomaji e haksip haulut pikau
Tagibang e pengiu CTT! Goa e phoksu lunbun ikeng thongkoe, ansng 5 goeh to pi-giap a. Ebin si goa e lunbun tiah-iau, chhiaN chhamkho. Loulat! --Uibun @@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@ Phok-sū Lūn-bûn Tiah-iàu

Hàn-jī hām Oa̍t-lâm Lô-má-jī ê Ha̍k-si̍p Hāu-lu̍t Pí-kàu

Chiún Ûi-bûn Chit ê gían-kiù ê bo̍k-te̍k sī beh iōng kho-ha̍k liōng-hoà ê hong-sek chhek-niû pí-kàu “Hàn-jī,” “Oa̍t-lâm Lô-má-jī,” kap “Hoâ-gí chù-im hû-hō” ê “tha̍k” kap “siá” ê ha̍k-si̍p hāu-lu̍t. Chit ê gián-kiù long-chóng pau-hâm 3 khoán si̍t-giām, hun-pia̍t sī: oa̍t-tho̍k lí-kái, thian-siá, kap kóng-tha̍k chhek-giām.Chit ê gián-kiù hun-pia̍t pau-hâm 453 kap 350 ê lâi-chū Tâi-oân hām Oa̍t-lâm ê siū-chhek-chiá; siū-chhek-chiá ê cho͘-sêng pau-hâm sió-ha̍k-seng kap tāi-ha̍k-seng. Tī oa̍t-tho̍k lí-kái chhek-giām lāi-té, siū-chhek-chiá hun chò Hàn-jī-cho͘, chù-im hû-hō-cho͘, kap Oa̍t-lâm Lô-má-jī-cho͘; in hun-pia̍t iōng Hàn-jī, chù-im hû-hō kap Oa̍t-lâm Lô-má-jī só͘ siá ê oa̍t-tho̍k bûn-chiun chò chhek-giām. Si̍t-giām kiat-kó hián-sī Hàn-jī hām Oa̍t-lâm Lô-má-jī 2 cho͘ chi-kanê siū-chhek-chiá sêng-chek bô thóng-kè-siōng ê chha-pia̍t, m̄-koh chù-im hû-hō-cho͘ lāi-té ê sió-ha̍k gī-nî-á kàu gō͘-nî-á ê sêng-chek sió-khoá pí chêng 2 cho͘ khah kē. Tī thian-siá chhek-giām lāi-té, siū-chhek-chiá hun chò Tâi-oân Hàn-jī-cho͘ kap Oa̍t-lâm Lô-má-jī-cho͘; ta̍k cho͘ ê thian-siá lāi-té long pau-hâm nńg-sek kap ngē-sek té-bûn-chiun chi̍t phin. Chiū nńg-sek té-bûn lâi kóng, Hàn-jī-cho͘ kap Lô-má-jī-cho͘ ê siū-chhek-chiá ê thian-siá chèng-khak-lu̍t lóng ta̍k-nî cheng-ka, gî-chhián 2 cho͘ lóng t„ kok-sió sì-nî-áê sî-chūn tī thong-kè-siōng ta̍t-kàu tāi-ha̍k-seng ê thian-siá chèng-khak-lu̍t. M̄-koh, ngē-sek té-bûn ê chhek-giām kiat-kó hián-sī Hàn-jī-cho͘ ê siū-chhek-chíá t„ sió-ha̍k la̍k-nî-á ê sî t„ thong-kè-siōng iáu boē ta̍t-kàu hām tāi-ha̍k-seng kâng-khoán ê chèng-khak-lu̍t; Lô-má-jī-cho͘ tī kok-sió gō͘-nî-á tō ta̍t-kàu tāi-ha̍k chúi-chún. Chit ê kiat-kó hián-sī Hàn-jī ài khai khah kú-tn̂g ê sî-kan lâi ha̍k-si̍p chiah ē-táng ta̍t-kàu tāi-ha̍k chúi-chún. Pún gián-kiù koh chiam-tùi ta̍k cho͘ ê thian-siá chhò-ngō͘ chò thóng-kè hun-sek: Hàn-jī-cho͘ lài-té lóng-chóng ū 12 chióng chò-ngō͘ lūi-hêng, kî-tiong “lūi-sū-im” (chhò-ngō͘ ê Hàn-jī hām chèng-khak ê Hàn-jī ū lūi-sū ê hoat-im) sī siōng chia̍p ê chhò-ngō͘, chit hāng chhò-ngō͘ tī ngē-sek té-bûn lāi-té chìam só͘-ū chhò-ngō͘ ê 85.70%. Tī kóng-tha̍k chhek-giām lāi-té, siū-chhek-chiá hông iau-kiû kā sū-sian chún-pī hó ê nńg-sek kap ngē-sek té-bûn kok 1 phin toā-sian liām--chhut-lâi; chit hāng kan-tan chiam-tùi Oa̍t-lâm ha̍k-seng chò chhek-giām. Thóng-kè kiat-kó hián-sī Lô-má-jī ha̍k-si̍p-chiá tī keng-koè 3, 4 kó͘ goe̍h ê ha̍k-si̍p tō ē-sái ta̍t-kàu 90% ê kóng-tha̍k chèng-khak-lu̍t, 1 tang āu tō ē-tàng ta̍t-kàu kiông beh pah-hun-chi-pah ê chèng-khak. Kán-tan kóng, chit ê gián-kiù kiat-kó chí-chhut Lô-má-jī pí Hàn-jī khah hó o̍h, ha̍k-seng ē-tàng khah kín kū-pī thian-siá kap kóng-tha̍k ê lêng-le̍k. @@@@@@@@@@@@@@@@@@@@@@@@@@@@@ 脫漢研究中心
http://www.de-han.org 安娘喂俱樂部
http://www.de-han.org/vietnam/travel/ayeclub/index.htm#tw @@@@@@@@@@@@@@@@@@@@@@@@@@@@@
---