Alai hiann, Goa chin ai khoann li e bun-chiunn. Pai-thok koh sia. Babuza

----- Original Message ----- From: alai Sent: Wednesday, November 07, 2001 3:30 PM Subject: [TGB] Fw: Phenn-ou e Chhiutinn/ 3
3. Makeng Lebi kong, i u khia otobai lai, boeh seng chai goa khi Makeng chhi-lai sehseh-chit-e. Makeng si Phenn-ou siong-laujiat e souchai. Laikau chhilai, khoann chia e chhu, chham Taioan e peng bo siamih bo-kang. Chhikhu laite, puchi-a laujiat, chhia chham otobai long chin che, kha bo khoann-tioh basu, mabo khoann-tioh tholakhu. Makengchhi e lam-peng si kangkhau, u kuia-e be-thau, goan khi koann hichun-e be-thau. Kang laite toatoa-sese-e hichun-a theng chin che, u-e tuchiah boeh chhutkang khi liah-hi, u-e ikeng liah-hi totng-lai. Be-thau-teng e hi-chhi-tiunn, kokchiong toatoa-sese, hengheng-seksek e hi-a tun chin che, ti hia teh phah-be. Goa tui haisan sou-bat-e bo-che, Lebi masi anne. Suijian i chu se-han to toa-ti Phenn-ou, tansi in-tau peng msi thohai-lang. In akong icheng si kengchhat, the-hiu bo-goaku to koesin ah.In ama khui-koe kamma-tiam. In laupe bat toe hichun liah-hi. Hit ni chut-hai tu-tioh hongthai, to bo-koh tng-lai ah, hit sichun i 5hoe. Liau-au, in laubu likhui Phenn-ou khi Taioan than-chinn, ma cho-anne bo-koh tng-lai. Ti Makeng se-peng u chit-e Koan-im Haichui Iuengti. Che si chin u-teksek-e souchai. Iuengti e pinn-a si chit-e konghng, hoechhau chengli-liau puchi-a chengche, thoukha ma chin chhengkhi, si sanpou kah iachhan e ho souchai. Chit-e iuengti chin khoah, ian-hai-hoann tng chhaputto 500m, hiong hai-tiong-ng e khoahtou chhaputto 300m. Khoann-tioh chit-e haichui iuengti, goa-e bakchiu kui-e peh-kim, tian toa-lui, inui goa takkang long ai siuchui. Goa ka Lebi kong, âBinachakhi thaucha, lan lai chia siuchui!â Tiongtau goan ti chit-e Koanim Konghng hiohkhun, chiah Lebi chunpi e iachhan, u sandwich, loubi. I kong, tiongtautng kantan to ho, amtng chia laikhi chia haisan. Goa kamkak goan nnglang koh putchi-a u-oe thang kong. Ti ki-tiunn i tutu khoann-tioh goa esi, iaukoh sio-khoa phainnse-phainnse, tansi chohoe chit-e-a, goan to long be chhenn-hun ah. I takkai ma kong-oe-liau, long-si chhui chhio-chhio, bak-chiu khoann goa, tiamtiam tan goa-e hoan-eng. Goa ti kong-oe esi, i masi anne, bak-chiu khoann goa, tiamtiam thiann goa kong, chhui chhio-chhio. Kah i kong-oe, chongsi hou goa kamkak chin tahsim.
---