Keng-ai e Bun-Ha e peng-iu,

chin tosia lin pang Bun-ha chhiuN e "KiaN-chun-lang" e koa, hou-goa ti tiong-chhiu e am-miN khoaN tioh goe-niu, sim sng-sng.

Tan-si goe-niu m-si goa jin-seng e piau-chun. Goa jin-seng e piau-chun si jit-thau. Si si teh chu-tong hoat-kng kap jiat, m-si kho pat-lang e kng lai ka-ki boa3-hun2(cosmetic), kong si ka-ki e kng.

Loa Tiong-ten (Pekni hiaN e sun-a) u sia phe hou in A-chek, in a-chek u chiong i sia e taigi-bun e phe choan lai hou goa khoaN. Goa khoaN li e phe sia liau chin ho. 

Sou-i, chit se-kan iu-chi e taioanlang long ai sia Taigi-bun, kong Taioan-oe. 

Goa chim-ma ti taihak mui chit e khou, long iong Taioanoe ka-chheh. Hak-seng tiong u kui-ui e kau-koai. Tansi kengkoe chit toaN sikan i-au, in long e hok-ti iu-bi, bun-nga e taigi-bunhoa e laibin. 

Goa put-tan kang-khou iong Taioanoe, goa sia e kau-chai (text-book) ma long iong Taigi sia. E-kou-goe e in3 ho2. Che si kin7-ni tiong choe-chhou iong taigi e kauchai, kio cho Jin-ti3-hak (Anthropological Philosophy). Hi-bang u chit jit lan banglou e hiaN-che ma e-tang lai thak, ka sio-ti chi-cheng. 

Goa iau-kiu hak-seng sia e paper ma iong taigi sia. Goa chong kiong 150 ui e hakseng tiong, khoh-leng chi-u chin sio-sou e hak-seng u hoat-to sia Taigi, tansi na u kui2-ui sia, goa e sim-koaN chiu chiok hoaN-hi lah !

Taioan ti gigian kap bunhoa siong, ikeng lun-ham lah! Si chit e bo kin (rootless) e kok-ka! Kiu Taioan, chi-u chit tiau lou, bo pat tiau lou, chiu-si kiu Taigi, kiu bu-gi!

Bun-ha e koa chhiuN kong "hai-eng khah toa goan sim m-kiaN, siong kiaN e si khoaN tioh li iu-bun e bin-heng kap chu-lui e bak-sai!" Che si kiaN-chun-lang e sim-koaN. Goa ti Taioan, chhin-chhiu chit ui liu-long e kiaN-chun-lang, ti chia, goa siong kiaN e si khoaN tioh, siuN tioh kap goa kang sim e Taioanlang ti hia teh kang-kho, bak-kak iau2 lau5 tioh kui tiam e bak-sai e si-chun...

Goa siuN beh ka Bunha e koa iong CD lok8--khi-lai, tansi ke-khi kong boe-sai! Goa chi u ka3 i khng jip khi goa e sim-koaN-iN-a e lai-bin, toa jip khi bang tiong, hi-bang kim-am cho3 bang e si, e koh thiaN tioh i, hi-bang hia e bak-sai e siau-bo-khi3.

Chiok pengan.


"Loa Pek-Ni"  wrote:

>Liong-kian hiaN kap Bok-su:
>
>Goan chu su hou tak-ke ti-hui, in-chhoa tai-ke leng-cheng che loh-lai
>kau-oaN i-kian, tho-pun, choe-au chhoe chhiut chit-e toa-pou-hun-lang e-tang
>chiap-siu e koat-gi.
>
>Pai-lak si tiong-chhiu-chiat, bok-su chit-e-lang kou-kou-toaN toaN, ng-bang,
>iN-iN e goeh-niu sio-chia, e-tang ka li e su-liam bou-kiaN e chhin-cheng
>chek-si toa tng-khi Seattle chhu-lin.
>
>Ng Chin-kiu hiaN-so min-a-chai beh che Bus choan-kang mouh tian-nau lai goan
>tau "Jip-iN". Keh-tng-jit chiah tng--khi. Gan-leng an-pai Bok-su bat o-lo
>koe e hit-keng "5-chhiN pang-keng" hou in keh-me.
>
>Liong-kian hiaN:
>Chiok lin choan-ke Tiong-chhiu-chiat khoai-lok.
>
>Sang chit-siu Bun-he e KiaN-chun-lang hou lin thiaN.
>Pek-Ni siong
>--------------------------------
>??????????
>[http://taiwantbts.org](<http://taiwantbts.org/>)
>--------------------------------
>
* * * * * * * * * * * * * * * * *
* Li chu-chheh e e-mail khau-cho si: 
* Beh kia phoe ho' tak-ke tioh iong chit-e khau-cho chiah kia-e-kau.
* * * * * * * * * * * * * * * * *