Chin-kiu hiaN peng-an: ChiaN kam-sia li theh-kiong Ka-na-tai e cho-hoat hou tak-ke chham-kho. Goa au hak-ki u beh ka siang-gi kau-iok, li kong e Ka-na-ta immersion e kau-hak chin u chham-kho ke-tat. Li kong “E-hiau Eng-gi si beh chhong sim-mih?” Chit ku oe goa chin chan-seng. In-ui Eng-gi si goa-gu, chiau teng-gi tioh si bo pun-thou e su-iong sia-khun, teh su-iong e chu-iau si lai-lai-khi-khi e goa-kok-lang. Ka-ki e lang e gi-gian su-kiu bo beh khi chiau-kou, kan-ta siuN hia e u-e-bo-e. Tai-oan chiaN liu-heng Siang-gi iu-ti-hng, ka Hoa-gi kah Eng-gi. Bo chit keng si ka bo-gi e siang-gi iu-ti-hng. Tak-ke long siuN kong khah cha oh goa-gi oh khah e ho-se. Goa sou khoaN e gian-kiu bun-hian long bo chi-chhi chit khoan kong-hoat. Lan lang oh gi-gian e leng-lek beh tut-jian-kan tioh bo khi, koh khah che hui, na u sim beh oh ki-tha e gi-gian, kang-khoan oh e khi-lai, khah siau-lian oh kan-ta u “hoat-im khah chun” chit e iu-se nia-nia. Lan e Eng-gi kau-iok chiaN sit-pai, m-si siuN oaN ka, si ui-tioh lian-kho teh oh Eng-gi, jip-khi Tai-hak liau-au Eng-gi tioh pang-li-li, bo chiaN-cho khip-siu ti-sek, bun-hoa e kang-khu. Kong-khah kan-tan-leh, tioh-si thau-a heng-heng, boe-a leng-leng, tui kok-ka e hoat-tian lai kong khah tiong-iau e si boe-a hit-chat, ai ka-kiong e si ko-teng kau-iok e goa-gi leng-lek, m-si ti iu-ti-hng ti kok-sio tioh teh oh goa-gi. Goa ti sek-su-pan tiaN-tiaN long iong Eng-gi kho-pun iong Tai-gi siong-kho, u e hak-seng e ai-pe-kio-bo, kong mai iong Eng-gi kho-pun lah. Goa khoaN in na u kiaN e, tai-khai long e sang khi oh gi-tong Eng-gi, ka hi-bang khng ti au-chit-tai! Hak-khiam -----Original Message-----
From: [mailto:] On Behalf Of Jay Huang
Sent: Saturday, August 14, 2004 11:30 PM
To: ;
Subject: [TGB] KoU-le gi-gian kau-iok Dear Peter kap Tai-gu-bang e hiaN-che peng-an. E-bin attach e phoe si goa soU-chai Ka-na-tai teh thui-kong nng-e kok-gi e hong-hoat. Sia-ti chia hoU tai-ke cho chham-kho. Ng Chin-kiu, Ottawa
---