Hong-giau hiaN kong chit e "gi-gian tho-che" ah-si-kong "chau-that gi-gian" e chong-hong sit-chai tat-tit lan sam-su.

Goa lai kau Tai-tang chiah chai-iaN u be-chio e goan-chu-bin in chhu-li
e "bo-gi" si Jit-pun-oe, goa ma thiaN-kong GCB e Jit-gi leng-lek pi
Han-jin khah ho. Jit-gi (chit-ma kho-leng si Hoa-gi) si in bo-kang
chok-kun chi-kan e kiong-tong-gi. Sit-bin-chia toa-lai e gi-gian si
chu-san ma-si hu-che. TeN k.s. bat pi-kau gu-su e chioh-iong kah kun-the
jin-tong e koan-he, i kong hoan-na Tai-gi chioh Jit-gi e su, long hong
khoaN soe, tong-cho si Tai-oan-lang hong "nou-hoa e siong-teng", na-si
Hoa-gi chioh Jit-gi e tioh kek-tiam-tiam, c.c. "keng-che",
"thek-hak"..... TeN k.s. ma u kong Jit-gi e chioh-su si Tai-oan
kang-siong-ki-sut-kai thong chiap-iong e choan-giap iong-su, m-koh lan
hak-hau e kau-iok bo teh ka. Che ma si "Gi-gian tho-che" e le.

Gi-gian tong-cho "chu-san" e koan-liam ai toa-lat chhui-sak. Goa u kio
goa e hak-seng sek-ke koa hai-po kah tah-choa. Leng-kang goa e-tang ka
chiuN-bang hou tak-ke chham-kho.

Hak-khiam




-----Original Message-----
From:  [[mailto:owner-taigu@](<https://web.archive.org/web/20051230135659/mailto:owner-taigu@>)...] On Behalf
Of H. Tan-Tenn
Sent: Tuesday, March 29, 2005 6:54 PM
To: 'Taigu (Taiwanese Net)'
Subject: Re: [TGB] Fw: "Peng-bin e Ki-tok-toan", han-lo pan

Hak-khiam ti 2005/3/29 ChS 01:56 sia-kong:

> Goa choe-kin khoaN chit pun chheh kong chit e gi-gian beh si
chin-cheng 
> tiaN-tiaN e seng ti ka-teng cho pi-bit-gi (secret language) ,
> 
> ang-a-bou kong-oe bo siuN be hou gin-a thiaN u iong e gi-gian.
Choe-kin 
> Tai-gi ma u be-chio lang theh lai cho pi-bit-gi, in-ui gin-a thiaN bo 
> Tai-gi.
> 
> Goan pe-bu na bo ai goan thiaN tioh e iong Jit-gi, goan tiuN-lang
tiuN-m 
> tioh iong Kheh-gi.

Goa tau ma si (kong Jit-pun-oe).  Tai-oan siau-lian-lang tang-tiong
be-su si-kiaN oh Jit-gi, m-koh si oh Tang-kiaN-khiuN, m-si tui a-kong
a-ma hit ian oh-tioh e.  Che tui sia-hoe chu-goan li-iong e kak-tou lai
kong, sit-chai u khah phah-sng.  Ma e-sai kong hou lang sit-bin
put-tek-i oh 1-e sin gi-gian, oh kah beh thau-thiat ah chiah koh ka
tan-hiN-sak, koh oaN 1-e sit-bin gi-gian.  Liau-au chiah-koh hoan-thau
oh tan-hiN-sak e gi-gian.  Tho-che.

POJ ma-si 1-e pi-bit bun-ji (sek-hap cho tian-nau password).


-- 
Wikipedia, Ho-lo-oe e in-sai-kong-bih-ti-hia!
[http://zh-min-nan.wikipedia.org](<http://zh-min-nan.wikipedia.org/>)

* * * * * * * * * * * * * * * * *
* Li chu-chheh e e-mail khau-cho si:  "H. Tan-Tenn"
.
* Beh kia phoe ho' tak-ke tioh iong chit-e khau-cho chiah kia-e-kau.
* * * * * * * * * * * * * * * * *

* * * * * * * * * * * * * * * * *
* Li chu-chheh e e-mail khau-cho si:  "Hak-khiam" .
* Beh kia phoe ho' tak-ke tioh iong chit-e khau-cho chiah kia-e-kau.
* * * * * * * * * * * * * * * * *