"alai" hou taigu-bang e phoe:

5. Chuichok-koan

Chiapa tiongtau liauau, goan sun-tioh 3-ho konglou hiong pakpeng kiann. Sun chit-tiau lou ittit kiann e thittho lousoann kiocho "Pak-khoan". Outobai li-khui chhikhu liauau, kui-tiau lou khaisi khoah khilai, lou-e 2-peng masi khangkhang, penn-tanntann-e khang-te, khoann-tioh simcheng chin chhengsong. Long bo tochhi laite e-khe, ak-chak e kamkak.

Laikau lianchiap Makeng-to kah Pehsoa-to e Tiongcheng-kio e thaucheng, hit-ui-e hai, khoann-khilai tekpiat chhenn, tehpiat na. Goa ka Lebi kong, "Khoann-tioh chia-ni sui e hongkeng, sitchai si chin henghok e taichi. Iuki etang ka sui chabou-gin-a tangche chhutlai, iaukha si goa-e hok-khi." I soah mng goa kong, "Goa chhiunnkoa hou li tiann, ho bo?" Cho-anne, i na khiachhia, na chhiunnkoa. Goa ma u-chit-ku, bo-chit-ku toe-le chhiunn.

Koe-liau Tiongcheng-kio tosi Pehsoa-to. Ti chia, hnghng to esi khoann-tioh 4-chiah koankoan-e pehsek-e cho honglat hoat-tian iong e hongchhia khia-ti haipinn. Phenn-ou e hong chin thau, iuki si koanntinn-si. Iong honglat hoat-tian si chin kengche koh bo ujiam e ho honghoat. Chit 4-chiah hongchhia ikeng si Phenn-ou e tiong-iau tepiau.

Bo-goaku, goan laikau Phenn-ou umia-e Chuichok-koan. Chuichok-koan mngphio mui-lang 200 khou. Laite u kok-sek kok-iunn e chuisan oahmih. Haitiong e oahbut-a sitchai chinche, u-e tng-longlong, u-e inn-liankhian; u-e peh-chhangchhang, u-e ou-mama; u-e teng-kokkok, u-e nng-siosio. U chit-chiong hi-a, ti amam e souchai e-hoatkng. Chit-chiong hi-a si thaubeng-e, kanna si pole cho-e. Leng-goa chitchiong hi-a, sinkhu e sekchhai chham tebin e soa kangkhoan-a kangkhoan, bo-chu-i, kinpun to khoann be-chhutlai. Chongkong chit-ku, ma bo-lai chia khoann, sitchai mchai haite e oahmih u hiani che-chiong, hiani sui, hiani chhubi, hiani koaiki.

Laite e chuisan long si iong thaubeng-e pole-siunn te-tioh, iaukoh u chit-tiau pole-e sui-to, etang khoann chia-e chuisan oahmih khoann-kah chhengchheng-chhochho. Hang-a-hi kana si chuite e huiliangki, koh kanna bahioh, 2-phinn sit phiat-chit-e, phiat-chit-e. Haimoa na-chhinchhiunn choa, ti chuite so-a so, oat-thau esai ka-tioh kati e boe. Haile ma ehiau siuchui, iong lebah ngiau-chit-e ngiau-chit-e, chiann chhubi. Iakoh u chit-chiong hi-a, u chit-ki kanna ki-a e tngtng-e phinn, ti chuite siu-lai siu-khi, 

Tiliau hi-a igoa, chuitiong e oahmih iau chiannche, chhinchhiunn haiku, lionghe, mouhe, he-a, haile, soanhou, haichhenn, haitann, tengteng.

Chuichok-koan e lauteng, u chit-e souchai laite-e chuisan esai hou chhamkoan e lang iong chhiu khi bong, chhinchhiunn haichhenn, haisom. Chit-khoan e tianlam tui siohak asi koktiong e hakseng tekbiat u-igi, inui hou in chhinsin iong chhiu lai kah chia-e oahmih sio chiapchhiok, etang chengka in tui haisan e chhubi kah liaukai.

Inui si pai-5, chuichok-koan laite bo-samih lang. goa kah Leibi na khoann na khaikang; mchai tangsi goan nnglang ikeng chhiu-khan-chhiu chohoe ti kiann. Taute si goa seng khi ka-i khan, asi i seng lai ka goa khan, asi nnglang tangche chhun-chhiu sio-khan, che long ikeng bo-tiong-iau. Goa siunn, i iteng si ka goa khoann-cho si i-e toa-hiann lah, goa ma chin hoannhi u chit-e kouchui-e siomoai. 

-----
* Mchai ulang ti thak bo? Ma bolang thak, goa to boai koh post chhut-lai ah.