Tai-gu-bang e hiaN-che,

Goa siu-tioh Tan Phek-siu bok-su e kau-tai, the3 i hoat e-bin chit-tiuN phoe.
  


peng-an,
Sou Cheng-hian siong
  


  
Kin-kip Hou-iok
  


Keng3-ko3 kok-ui "Taibun Thong-sin" thok-chia -- Siat-lip "Kiong-tong
Hoat-heng-jin" e tai-chi
  


50 goa-tang e Kok-bin-tong thong-ti hou lan khoaN-tioh Taioan-oe kap Taioan
gu-bun e tiau-leng5 kap siau-sit, hou lan kam-kak Taioan kiok-se
chhin-chhiuN jip-chhiu e pi-koan kap sit-bong; lan chhin-siN e kiaN-sun,
chit-e chit-e oat-thau khi kong pat-lang e oe, chhin-chhiuN poaN-lou-a jin
pat-lang cho pe cho bu, kio lang cho a-kong.
  


Taioan gu-gian na sit-khi, Taioan bin-chok kap bun-hoa e kin chiu song-sit,
Taioan lang beh cho chit-ui chin-chiaN e Taioan lang chiu bo kho-leng lah!
Bok-koai hak-chia kong : " Beh siau-biat chit-e bin-chok, choe-ho choe
iu-hau e hong-hoat, chiu-si siau-biat i e gu-gian." Tiong-kok-lang
chip-cheng-chia koe-khi ti lan e bi-le-to chiong-su e khiong-pou
cheng-chhek, chiu-si beh siau-biat lan e gu-gian bun-hoa, hou lan be ki-tit
lan si Taioan lang, si kong Taigu sia Tainbun e bin-chok.
  


Chhong-bi che ki-liam ki-kim-hoe si ki-liam chit-ui chin thiaN Taioan e
lu-seng, i chit-si-lang kap i e ang-sai tiam-tiam thiaN Taioan, ui Taioan e
bun-hoa kap cheng-ti lau bak-sai, hi-seng, hong-hian, kau ti it-seng e
lou-boe. Ki-kim-hoe siat-lip i-lai e un-chok, chiu-si iong Chhong-bi che e
cheng-sin, bek-bek khi chai-poe, kau-iok, hok-heng Taioan lang e kok-ka kap
bun-hoa i-sek.
  


7, 8 tang i-lai, goan iong sou-u e si-kan, cheng-sin kap chai-lek lai
chi-chhi "Taibun Thong-sin" e hoat-heng. Bo-lun ju-ho kan-lan, goan
chin-chio oan-than, chi-u cheng7-cheng7 bo chhut-siaN, phah-piaN khi cho.
  


Hian-chai lan gu-tioh e si Chhong-bi Ki-kim-hoe keng-che te-it khun-lan e
si5, iah-si lan Taioan lang gu-gian bun-hoa te-it toa choat-biat gui-ki e si.
  


Goan taN hiong li hoat-chhut hou-kio e siaN, pai-thok li lai chi-oan, cho
"Taibun Thong-sin" e "Kiong-tong Hoat-heng-jin" (Co-sponsor), hou "Taibun
Thong-sin" ke-siok koh oah loh-khi. Goan su-iau u 100 ui iu-chi, mui
chit-ui iu-chi mui-ni chi-oan bi-kim 200 khou (hek teng-giah goa-pe3), lai
kia hou Chhong-bi che Ki-liam Ki-kim-hoe, cho hoat-heng "Taibun Thong-sin"
e lou-iong.
  


Li e liong-sim e chi-oan si "Taibun Thong-sin" chun5-hui3 e
koan-kian. ChhiaN chiong li e "Kiong-tong Hoat-heng-jin Ki-kim" kia-kau3 :
  


Chhong-bi Memorial Fund
c/o Westchester Trinity Taiwanese Church
P.O. Box 501
Scarsdale, NY 10583
USA
  


Goan e7 kia siu-ku hou li, cho Bi-kok te-khu bian-soe e cheng-beng.
  


Na-u siaN-mih chit-sun, li ma e-sai kia phoe hou :
  


The Rev. Tan
3826 Poka St., Honolulu HI 96816
Tel/Fax 808-735-3813
E-Mail : 
  


Chin-to-sia.
Chhong-Bi Che Ki-Liam Ki-Kim-Hoe keng-siong

Attachment: HouIok.doc
Description: MS-Word document