Kinajit siu-tioh ui Taioan kia--lai e «Hak-ka-fa Seu-vong-chii» ("Kheh-ka-oe Sio-ong-chu," Le Petit Prince). Che si ku-ni iu Lam-Thian Chu-kiok chhut-pan e Hoat-kok gin-a kousu e hoan-ek pun, long-chong 222-iah paukoat ou-peh e tou5, be7 250$. Lam-Thian ka teng-ui ti "Taioan hiong-thou bo-gi kau-chai" (#1). Khai-si si 1-tiunn pio2 liat chhut Thong-iong Hoa/Kheh/Holo e im-phiau, tuichiau POJ, Tiongkok pheng-im. Te-1-phinn kai-siau Taioan «Sio Ong-chu» e chhut-pan hian-siong. Bo kong-tioh chheh-mia e lai-goan, m-koh in-ui 90 nitai e chhut-pan kang-giap liah-kong sak chhut 20 kui2 chiong Hoagi hoan-ek, lan e-tang liau-kai na7 koh ho7 "Sio2 Ong5-chu2" e khi hou Hoa-gi pan2 am-kham tiau leh, chu-liau khou3 (database) e kiamsek ma e tu-tioh "m-chai to-1-pun" e khun-jiau.) Hoan-ek-chia e si7 the-khi i tui Kheh-gi hoan-ek e siunn-hoat, phoe-pheng "Kok-gi" cheng-chhek, chi chhut hoan-ek tu--tioh e toa bun-te kap kai-koat hong-hoat. Soa--loh-lai si 2-iahkai-siau Kheh-gi Thong-iong pheng-im e soat-beng, kap chhu-li goa-lai-gi (Ho-lo-oe, Jit-gi, Hoa-gi) e goan-chek. Ki-tiong u chioh iong "b", "g", "z" (j?) 3e Kheh-oe bo e siann1-hu5, iong ti "bak-khuh", "lin-gou", teng-teng e su5. I-siong long Hoa-gi--e. Kui-pun chheh e chu2-the2 hun cho 27 chiong koh ke 1e goan5 chokchia e tah-oe-thau. Toa pouhun si to-peng-iah Han-ji, chiann-peng LMJ. It-poann, Kheh-Hoa chu-kai si he ti Han-ji iah e e-kha, in-ui in iong khah toa7 e LMJ ji-the (12-tiam), kan-tann chhun HJ hit-peng u lang3 ui7. HJ u iong-tioh 1-koa tek-su ji, chhin-chhiunn "ngai" (goa2), "ke/kai" (e5); goa kam-kak be7 siunn koe thau khi phoe-hap Hoa-gi e koansi, ma be tekpiat kiongtiau "pun2 ji7." "Bikok"e "bi2" si bi-phang e "bi2", in-ui chit-e "bi2" kap "bi-le" e "bi2" ti Kheh-gi bo kang7 tiau7, ek-chia chu-beng si Jit-pun goa-lai-gi. LMJ u he siann-tiau ki-ho, goan-chek siong si toe Hoagi Chu-im Hu-ho e koansi, chham-kho Tiongkok pheng-im. U tang-si-a u kui1 iah e tou5, hit-chun toh kang7 1-iah pai5 Hanji (bin-teng) kap LMJ (e-kha). Toa pouhun sou-chai si ji, tou5 thaulam, sim-chi ji phu5 ti tou5 binteng ma u. Ka-na bo kong tou5 to-ui lai--e, mkoh engkai si goanpan--e, chi-chio m-si ka-ti teng oe7--e. Tau-te hoan-ek liau2 ho iah bai m-si goa u chai-tiau khi phoann-toan--e, chong--si, kui-e lai khoann, engkai sng si u iongsim e 1-e sanphin. In-ui si te-1-pun, lan etang ki-thai e koh tauh-tauh-a chhut ki-tha e kau-chai. Na7 si Taioan cheng-hu koat-teng Hoagi pheng-im iong Tiongkok hit-tho, kholeng chhut-pan e sok-tou e ke khah ban7, in-ui ai teng kholu si beh kesiok "Thong-iong" chit-tiau lou7, iah-si phoe-hap cheng-ti iong Tiongkok sek--e, sim-chi toe Ho-lo-oe, Chu-im Hu-ho…long ai teng su-kho. Chit-khoan khoan-keng e pian-hoa tui chhut-pan-giap lai kong, m-si 1-chan ho taichi. --Honggiau