Ji̍t-pún chò Hàn-jī bûn-hòa-khoan pí-kàu ê ha̍k-chiá

From: uibun
Date: 2013-08-09 22:42:36

Ta̍k-ke hó,

Góa chòe-kīn lâi Ji̍t-pún ê Tang-kiaⁿ Gōa-kok-gí Tāi-ha̍k chò hóng-mn̄g ha̍k-jîn. Kin-á-ji̍t tī TADA sàn ê siāu-kài chi-hā se̍k-sāi Tang-kiaⁿ Tāi-ha̍k ê Yoshikawa sensei (吉川雅之). Yoshikawa i ê Pak-kiaⁿ-ōe kap Kńg-tang-ōe kóng liáu chin hó. Tâi-gí sió-khóa ē-hiáu (i sī khòaⁿ Ông Io̍k-te̍k sensei ê chheh ka-tī o̍h ê). Mā siu-chi̍p bē-chió Tâi-gí PE̍H-ŌE-JĪ ê chu-liāu.

Góa téng lé-pài kap lēng-gōa 1 ê Iwachuki sensei (岩月純一) kìⁿ-bīn. I ê Pak-kiaⁿ-ōe kap Oa̍t-lâm-ōe mā kóng liáu chin hó.  Ji̍t-pún chò Hàn-jī bûn-hòa-khoan pí-kàu ê ha̍k-chiá iáu sī pí Tâi-oân khah chē. Jî-chhiáⁿ, ta̍k-ê lóng chì-chió cheng-thong 2 chióng í-siōng ê gōa-gí. Che sī Tâi-oân ê ha̍k-kài ài ha̍k-si̍p--ê! 

--Ûi-bûn

--

Taiffalo's Study of Eco-linguistics of Society Tai-gi / Oat-lam Gian-kiu-sek & Center for Taiwanese Languages Testing & Center for Vietnamese Studies & Department of Taiwanese Literature National Cheng Kung University, TAIWAN http://uibun.twl.ncku.edu.tw http://ctlt.twl.ncku.edu.tw

http://cvs.twl.ncku.edu.tw E-mail: (private) E-mail: (office)

Tel: +886-6-2757575 ext 52627 (O) Fax: +886-6-2755190 *******************