ps. 我的台語文著作五本一套百套典藏紀念版，chhun 20 套。順利進行，照預計八月底出版。

向望咱攏 ˜ 是罪人

--詩集「咱攏是罪人」出版後記 李勤岸 這本詩集就是原來計畫tī 2001年出版ê 「海翁宣言」。大部分作品是2000-2001年間tī 花蓮ê 國立東華大學英美語文學系教冊ê 這段時間所寫。其中有部分作品已經收入我 ê 「李勤岸台語詩選」。 台灣雖然真細，m̄-koh 被稱做後山 ê 東部又koh hiah-ni̍h 迢遠 (tiàu-óan)。對大部分 ê 台灣人來講，花蓮、台東是旅遊才會去想著 ê ! 所在，平時 tī in ê 腦裡並無存在，去後山一chōa kán-ná 是出國旅遊leh 。咱若看新聞報導抑是一般人teh 講台灣，攏講北部、中部、南部，真少會去講著東部。對我這個典型ê 「西部人」來講，東部ê 經驗是真希罕ê 。這是我規世人到-taⁿ ! 第三遍踏tī 後山 ê 土地。第一遍是大學時代三個同學參一個! 美國來ê 老師相招ùi 台東行到花蓮。我有寫一萬字 ê 遊記。第二遍是大學畢業tī 高中教冊ê 時，chhōa 畢業生坐花蓮輪畢業旅行，hîn-船 hîn kah 足厲害，吐kah 膽汁攏吐出來，其他ê 印象攏無去ah。第三遍koh 來，已經是二十冬後。這遍˜ 是旅遊，是tī chia 工作，而且差一點仔to̍h 「移民」來tòa tī chia 。若˜是哈佛大學開台語課程，我應聘來教台語，我會留tī 花蓮做東部人。 2001年九月，國校ùi 一年級開始實施母語教育，所以台語 ê 書寫標準化已經是迫切需要 ê 代誌。若是書寫無一致，拼! 音方案混亂，會hō͘ 母語教師、hō͘ 學生囡仔頭殼疼，會hō͘ 反對母語教育ê 人做藉口，成做母語教育ê 絆腳石。若是逐人攏會-tàng 放棄家己ê 「符仔號」，hō͘ 標記方式一致，書寫標準化，按呢母語教育就會-tàng 順利進行；若無，咱攏有可能是母語運動ê罪人。這是當時我為按怎beh 寫這首「咱攏是罪人」，koh kā 當做廣告詩，四界刊登，凡若刊這首詩，我m̄-na 無beh 領稿費，koh beh 出廣告費。用意是beh 喚起大家ê 「罪過感」，甘願放棄家己發明ê 「符仔號」，mài 做母語教育ê 歷史罪人。等將來母語教育成功了後，才koh kā 你ê 發明貢獻出來，大家才koh 來參詳。若無，母語一旦若亡，khah 好 ê 標記法不過就是用來替母語寫墓牌而已。 母語教育ê 實施是母語運動真重要ê 一個里程碑。 Tī 這以前，無管你對語言學偌外行，chú 你去發明，各展各 ê cheng-chông，盡量去推廣、去相-chèng。He 是答嘴鼓【口水戰】ê 時代。母語教育一! 旦開始實施，就已經進入拳頭母【肉搏戰】ê 時代，tèⁿ 頷頸根相-chèng 攏是加了嘴瀾ah｡有才調就去編教材，教材編出來有出版社願意投資出版，有學校beh 買，有老師beh 教，有學生beh 學，koh 學會曉，按呢to̍h 生存�! F無，鼻仔摸leh，民主風度mah。 這本詩集分做三部分，由Marian, Ting, kap Yin 三個人翻做英語。這純粹是用翻譯者來分輯，˜ 是以創作時間、地點抑是內容。感謝 in chiah-ni̍h súi-khùi ê 英文翻譯。 感謝俊育兄初校koh 翻寫全羅，麗雪kap 杏娥 ê 仔細校對。 希望咱ê 母語教育成功，母語文學出頭天，咱攏˜是罪人。 --2003/7/23 tī 哈佛大學東亞語言文明系

使用 MSN Messenger 與朋友在線上聊天 * * * * * * * * * * * * * * * * * * Li chu-chheh e e-mail khau-cho si: "Li khinhoann" . * Beh kia phoe ho' tak-ke tioh iong chit-e khau-cho chiah kia-e-kau. * * * * * * * * * * * * * * * * *