Fwd: 敬請賜教學生台語詞100題--請協助

From: Kiatgak Lau
Date: 2007-07-02 10:31:32

學生台語詞100題

1、各位母語界的先覺, 逐家好:

  咱佇學校推廣母語的時陣，學生囡仔往往會問咱一寡華語詞的台語按怎講？有時予咱一時間嘛真歹回答！小弟整理一寡學生囡仔較愛問的問題，無論伊是外來語、新名詞抑是按怎，咱總是愛予伊一句較適當的台灣話，敬請各位前輩會tang3就你所知，或者建議的台詞用詞寫 --落-來(有音標上好 )，無限定幾句！待我收集、整理，會真緊將成果閣寄予逐家做參考，若有多種名稱，看是欲票選抑是其他建議攏可以！

2、晚輩知影各位為咱母語的付出比我加太濟，向望各位嘛予我有一個服務的機會，敬請將你寶貴的內容用 e-mail寄予我匯整，由小弟掛名只是為著欲負責，個人絕對尊敬逐家的專業，我無任何的派別，嘛無啥麽利害關係，敬請各位前輩會tang3 放心。

3、嘛向望你ka7 這封內容，幫忙寄予其他母語前輩，請逐家鬥相共來做伙完成，華語部份你嘛會使增加，但是儘量限佇「學生囡仔」相關的問題內底，才袂傷過複雜！（預定100題）

4、關於台語詞若是無確定講法抑是某地方講法，或者伊的出處，嘛希望儘量會 tang3註明！