taigu max5621

taigu max5621 
Taike peng-an.
e-chai chham-ka Taipak Binsi sou chupan e Taigibun Gianthohoe u chitkoa
kamsiong.
ChhiaN taike chikau:

1. 09:30 cheng-sek khai-si i-cheng, taihoe kangchok jingoan sou pang e
im-gak,
keng-gian si Pak-kiaN-gi e koa-khek. Bok-koai boe khai-si to u lang
beh peng-tiuN.
e-tang khoaN-chhut Binsi chin kholeng si liah Taigibun chit e gi-te cho
kong-ko
nia-tiaN.

2.Tan Tek-li sian-siN e poko: Taigi ti koa-a-hi e un-iong chit-phin
bun-chiuN e kiat-lun:
si i tui Tai-oan gi-bun e seng-chun khoankeng i-keng si thiat-te e
sit-bong,
sou-i ti hoe-tiuN bo goan-i the-chhut sim-mih kian-gi.
Pi i ti 310 Chou-iaN Se-kai TaiGi-iaN e si-chun ko-khah pi-koan.

3. te-2-ui kong-oe e si Bin-si e Chhoa Chhiong-pho sian-si. Bokcheng si
Binsi chhaihong tiongsim
chip-heng hu-chu-jim.
tong-gian i e ian-kang si khia-ti Binsi e koan-tiam kong-ko.Goa kojin bo
sim-mih i-keng.
i-siong nng-ui kiong-tong e chu-te si : Tian-chu mui-the kap piau-ian
ge-sut.

4. te-3-ui si Gou Siu-le lu-su poko kauhak keng-giam kap kauchai.
4a: kiong-tiau ka hak-seng it-teng ai e-hiau peng/chha ji-tian,
4b: hian-tai teh ka TaiGi m-thang iau-ku it-tit kiong-tiau kou-cha
kou-cha e
hiong-thou-bi.
tioh-ai siuN pan-hoat kap hian-chu-si e si-tai, seng-oah khoankeng saN
kiat-lian,
seng-oah TaiGi chiah-si chiaN-te5.
sou-i peh-leng-si tioh-ai siuN pan-hoat kio hak-seng siong-kho e sichun
sia/pian chhut-lai ka-ki chhong-chok e peh-leng-si e si-koa;
khah-maih koh iu-goan ti-hia teh chiuN/gim kou-cha e jin-a-koa.
4c: Taigi m-si bo chui-chun, si kong2 e lang bo keh, chiah e bo
chui-chun.
chin-chiah e issue si lang; m-si Taigi.

5. te-4-ui si Cheng-gi Taihak e Liau Sui-beng lau-su. i mah bat ti 310 e
Chou-iaN
Sekai Taigi-iaN po-ko-koe.
i e keng-giam: i-keng si te-4 hak-ki khui Taigi e chhou-kip-pan
kho-teng.
i-keng u chi-chio chhiau-koe 300-ui e hak-seng soan-siu koe.

chin-chiah siuN beh oh sia LMJ e boe chhiau-koe 3-hun-chi-2 e hak-goan.
kho-leng
1st: siuN kong e hiau kong chiu-ho; m-bian oh sia.
2nd: kong tioh hak-sip sia, tioh bo chhut bi a.
3rd: bo sim beh oh, si siuN be-lai kan-tan theh hak-hun--e.

6. i-siong nng-ui e chu-te long kang-khoan; si poko kauhak keng-giam.

goa iong ioh--e, si-m-si tioh ai khui-phoa kan-tan e bun-ji-hak
koan-lian;
piau-i bun-ji[Han-ji] kap piau-im bun-ji chit khoan chhou-pou e
kho-teng.
pi-kau khah u pan-hoat
khio chhut lai u heng-chhu beh oh sia LMJ/TOJ e hak-goan?

7. te-5-ui A-jin a poko "Bun-hak chhong-chok" chit khoan gi-te, goa si
goa hang--e.
bo chai tiau kong sim-mih.

8. 5-ui po-ko liau au, chiu si chu-chhi-jin: Han5 Liong5-chun3 Tai-oan
Taihak e khi-kho kau-siu
cho kiat-lun.
u kong-khi: [i e kong-hoat]
hian tai Taioan ka-tiuN teh ka e bogi i-keng si Pak-kiaN-gi, Hoa-gi.
goa e kam-siong si :
lian Han5 I-su chiah nih thiaN-sioh Tai-oan Gi-bun e jin-su to e ka:
[native-language,native-tongue] hoan-ek cho Han-ji sia-cho [bo-gi]
e mih-kiaN khoaN cho chi-u si ma-ma sou-kong e oe-gi,
lan tau-te si beh an-choaN thui-tong Taigi/Hak-ka-oe-gi/GCB oe-gi?
[ai kia chit-ki5 e TOJ chap-chi hou i chham-kho].

m-chai u sim-mih lang thang lian-lok Han I-su.
bo tiaN tioh to ai-chhiaN GCB e bok-su hiong Han I-su kai-soe:
bo-gi chiu-si chok-gi chiah-tioh.

9. I-siong chiu-si te-1-tiuN e siong-poaN-tiuN.
e-poaN tiuN si Li Hong-hi kau-siu e ian-kang: TaiGi e sui.
tong gian Li kau-siu e ian-kang chin ho-thiaN; thiaN tioh mah chin
song-khai.

goa na beh hiam; goa e i-kian si chit e si-tai chit khoan ian-kang si
tong3-tioh LMJ/TOJ thui-tong e toa chioh-thau;
si teh chau-chhoe kou Han3-bun5 e Taigi.
chin eng5 e si-kan, e-tang cho chit khoan khang-khoe.
TaiGi ti 2001, chiah nih gui-hiam e ni-tai ko teh chhoe kou-cha si-tai
e Han3-ji,
e piN si-lang.
seng cho kau [An-choaN kong, tioh u chai-tiau an-choaN sia chhut-lai
TaiGi LMJ],
chit khoan kang-teng cho-liau, chiah lai chhoe Han-ji..

kong kau chia, goa i-keng
kap Tan Tek-li sian-siN kang-khoan: bo i-kian;
tan si chin m kam goan.
Taigi kam e an-ni chiah chham?

chiaN bin e tai-chi:
Goan TaiTiongChhi beh ti koe-ni cheng-au
siuN pan-hoat ka TaiTiongChhi LoMaJi e chou-chit seng-lip khi-lai.
Si Michael Tai-Tiong san, Chan cheng-gi - LianChiauHoe Taibun chapchi
kap ki-tha e jin-su beh lai chou-lip.

i-siong si ko-jin tui Binsi kin-a-jit chupan e TaiGibun Gian-tho-hoe e
po-ko.
na u tui sim-mih jin-su bo chun-keng, chhiaN goan-liong.
seng hoe sit-le.

Best regards,
Max Lu