請支持台灣歌仔戲班劇團 https://www.facebook.com/art27taiwan/

From: Simon Cheng
Date: 2017-08-08 02:37:21

https://www.facebook.com/art27taiwan/

台灣歌仔戲欲提升, 著愛演台灣故事, 配合有民主, 人權, 永續生態等進步觀念的劇情. #成大台文系 #劉南芳 教授所帶領「#台灣歌仔戲班劇團」就有這款觀念. 親像佇以荷蘭時代痲豆社做背景的百老匯式歌仔戲 #郭懷一 這齣戲裡面的對話. 東印度公司官員：「番社的人無智識, 對怹好, 汰有路用？」 荷蘭傳教士：「生命, 金錢佗一項較重要？枉費你自細漢就咧讀聖經！」短短兩句就表現出現代民主社會注重人權的觀念. 閣有, 西拉雅獵人- 伊同, 弓箭描準一隻鹿仔, 一直躊躇, 無出手. 伊的同伴：「你是按怎放伊走？東印度公司的人來收鹿皮, 愛閣互怹拍.」伊同：「咱今仔日鹿肉已經有夠thang食啊.而且彼隻鹿仔猶閣傷細隻, 咱祖先禁止刣細隻鹿仔」 這兩句對話是對殖民重商主義的控訴, 嘛表現出永續生態的後現代進步觀念. 「台灣歌仔戲班劇團」 得著 #文化部 的補助, 暑假來北美巡演. 8/26 多倫多, 9/2 紐約, 9/9 洛杉磯. 洛杉磯欲買票會使看@TUF 網站www.tufusa.org.