《台語文字化丌過去佮現在》(5)

發信人: (Iunn Ungian), 信區: Taiwanese 標 題: 《台語文字化丌過去佮現在》(5) 發信站: National Taiwan University (Wed May 18 09:49:47 1994) 轉信站: cis_nctu!bbsroute!crosspost

五、 台灣總督府兮成果

佮國民黨政權比起來，日本儂對台語兮保存貢獻真大。雖然尹最 後兮目標是愛台灣儂同化做日本儂，但是對台灣兮語言，佇皇民化運 動晉前，並無做啥麼壓迫，尹兮官員來佫台灣，第一件代誌是先學台 語，所以真儕政府單位攏有編台語課本，除了這以外，總督府嘛用幾 十冬兮時間，來編日台、台日辭典。當然，尹用兮標音系統是用ロЮ (片假名)做一寡修改得著兮。另外著是用字兮問題，因為日語借用漢 字，基本上是利用漢字兮意思（借義為主），著是一般所講兮「訓用 字」，所以尹塊處理台語漢字兮時，嘛是以訓用字為主。訓用字兮主 要缺點，著是可能會造成一兮漢字有真儕種讀音，有時仔容易造成讀 者兮困擾，但是伊嘛有伊兮好處，著是卡看有，尤其台灣儂佇迄兮環 境之下，日文、文言文、北京語、台語攏使用漢字兮時，負擔實在是 真大。

日本儂整理兮台語資料，對台灣話文運動有啥麼影響並無清楚， 毋過，無論如何，替咱台灣儂留落來真有價值兮資料。尹攏總出版一 百本教科書，二十幾本字典、詞彙集，六種台語雜誌。

日本儂整理兮資料，有兮已經無好揣[找]矣[了]，分散佇各縣兮 圖書館，大部分閣袂使借出來，對有心卜研究兮儂，實在是真無利便 。

其中，1934年陳輝龍所寫兮「台灣語法」是第一本專門描寫台語 語法兮書。

-- ───────────────────────────────────── 假使, 春天過去矣, Kasu, chhunthi* kekhi a, 樹枝頂益閣有花蕊對汝微微仔笑 chhiukiteng iahkoh u hoelui tui li bibia chhio 假使, 花蕊蔫去矣, Kasu, hoelui lian khi a, 樹椏頂閣有葉仔,將青翠留咧; chhiuoeteng koh u hioha chiong chhi*chhui lau leh 假使, 葉仔黃去、礁去矣, Kasu, hioha ng--khi, ta--khi a, 光禿禿丌樹椏猶原對汝講起 Kngthutthut e chhiuoe iugoan tuili kongkhi 淒涼丌過去…. chheliang e kekhi…… ─── 花亦芬 《如果》 (Ungian)(Ungian)