台灣文藝 出刊

From: Lim Jukhai
Date: 2013-10-04 22:54:13

Kóng Tâi-gí ê pêng-iú kok-chhin ah,  M̄-thang koh pi-ai lâi pi-ai khì ah. Ka-kī ê gí-bûn ka-kī thiāⁿ, ka-kī kò͘, o̍h lâng Hiong-kang, Má-lâi-se-a, Sin-ka-pho, lán ê hiaⁿ-tī.

Kēng khòaⁿ ē khiaih bōe, sòa--loeh pān ha̍k-hāu kà gín-á… lóng m̄-sī bîn-bāng ah

Chit-pún cha̍p-chì choan ēng PE̍H-ŌE-JĪ kap hàn-jī lām-siá, lōe-iông lóng sī bûn-ha̍k chok-phín. Lāi-té ū 1 hāng phah-sǹg beh chò ê khang-khòe, tō-sī siāu-kài PE̍H-ŌE-JĪ chok-ka hō͘ ta̍k-ê chai, só͘-pái, goán ē ta̍k-kî kéng kóa khah-chá ê PE̍H-ŌE-JĪ chok-ka ê chok-phín lâi khan, che chok chē lóng sī bô sáⁿ lâng khòaⁿ--kìⁿ ê hó chok-phín, ǹg-bāng án-ne ē-tàng hō͘ ta̍k-ê koh-khah liáu-kái Tâi-gí bûn-ha̍k ê bīn-chhiuⁿ.

M̄-nā án-ne, hiān-chhú-sî ê chok-ka chok-phín, put-koán sī si, sàn-bûn, siáu-soat, kio̍k-pún, koa-á-chheh, lóng sī lán cha̍p-chì tí-tiōng--ê.

Koh ū 1 hāng pat-pún Tâi-gí bûn-ha̍k cha̍p-chì bô--ê, tō-sī khah-chá ê Tâi-gí po̍k-chhiò-kio̍k, goán ē kā bûn-jī-hòa, hō͘ lán him-sióng chin to-goân ê Tâi-bûn chok-phín, kan-chèng Tâi-gí bûn-ha̍k jió-toh ê chúi-chún. 

Chhut-pán cha̍p-chì sī chi̍t hāng chin chhau-lô ê tāi-chì, m̄-koh ūi tio̍h Tâi-gí-bûn ūn-tōng beh sêng-kong ê lí-sióng, goán phah-sǹg khò͘-kha pih--khit-lâi beh liâu--lo̍h-ah, chóng--sī, chhut cha̍p-chì tùi bô sáⁿ chu-goân ê Tâi-bûn-kài lâi kóng sī 1 hāng chin tāng-keng ê tāi-chì, tio̍h-ài óa-khò ta̍k-ê lâi tēng chheh tàu sio-thīn, ē-tàng lâi tēng chit pún cha̍p-chì, hō͘ lán ê phah-piàⁿ koh-chài seⁿ-thòaⁿ, Tâi-gí-bûn chá 1 ji̍t ho̍k-hin. 

Tēng chheh ê niù-suh chhiáⁿ khòaⁿ hù-kiāⁿ ê tòng-àn. Ǹg-bāng lí sio-thīn, kā goán kó͘-bú, hō͘ goán káⁿ ióng-kám koh piàⁿ--lo̍h. Ló͘-la̍t！

--

Lîm jū-khái, E-mail add:

台語幸福山茶園:http://jukhai.blogspot.com/ 阿凱教學網站http:://khai.mtwww.mt.au.edu.tw/